Continuando coa vontade de ofrecérmoslles as nosas reflexións e
posicións á comunidade educativa e á sociedade en xeral, queremos
facerlles chegar este documento tanto á opinión pública como ás
diferentes opcións políticas que se postulan para formaren parte
do Parlamento Español nas próximas eleccións xerais do 20 de
decembro de 2015. Conscientes de que estas eleccións teñen un
significado especial polo momento político que vive o Estado
español e que ten que ver coa renovación das estruturas políticas
e mesmo co modo de entender a acción política, pensamos que
entraremos nunha lexislatura singular –tamén para Galicia– dado
que as decisións que se tomen na próxima lexislatura
probablemente terán transcendencia no tempo e un impacto social
duradeiro máis aló do seu período de catro anos. (Ler máis)
ACTIVIDADES
DE FORMACIÓN
VII SEMINARIO-OBRADOIRO INTERNACIONAL DE
AVALIACIÓN DE MATERIAIS DIDÁCTICOS. REDE E TECNOLOXÍA: DESAFÍOS
EDUCATIVOS EN COMUNIDADE
Vedra, 19 e 20 de febreiro de 2016
O Seminario Obradoiro de avaliación de materiais
didácticos, vai pola súa VII edición. Procura ter un carácter
innovador e emprendedor como parte necesaria da formación
docente actual.
Esta actividade presenta un carácter práctico na
que se parte de distintos modelos de avaliación de recursos
educativos dirixidos aos distintos ámbitos de ensino (reglado
ou non).
Procuramos ofrecer ferramentas de acción que o
profesorado utilice no mesmo momento de realizar esta
actividade formativa, cuestionando os propios materiais e o uso
que se deriva da súa práctica reflexiva nas aulas.
VI CURSO DE FORMACIÓN SOBRE O
PATRIMONIO LÚDICO. Xogo, literatura oral e música
Celebrouse en Compostela os días 13 e 14 de
novembro de 2015 cun gran éxito de asistencia. Tedes dispoñible
toda a documentación do curso así como algunha galería de
imaxesaquí.
Actividade complementaria do VI SEMINARIO SOBRE
A MEMORIA “O EXILIO, A MULLER E A GUERRILLA: O
GARDARRÍOS”: “O
GARDARRÍOS E A REPRESIÓN ANTIFRANQUISTA POLAS TERRAS DE
MONDOÑEDO”
Celebrouse en Mondoñedo o 22 de
novembro. Fíxose un percorrido polos lugares máis
significativos seguido dun xantar e unha conferencia-coloquio.
Mesa redonda: FAUSTINO ROMERO "EMOCIÓNS E
SENTIMENTOS" Celebrouse en
Catoira o 28 de novembro e contou coa participación de
Xesús Santos, Xosé Giráldez, Víctor Campio Pereira, Xoán Xosé
Fernández Abella, Luís Cristobo, Sara Paz e Xosé Ricardo
Losada.
REVISTA
GALEGA DE EDUCACIÓN
Xa está na
rúa o nº 63 da Revista
Galega de Educación!
Toda a información aquí.
ACONTECEMENTOS
O 7 de novembro, acompañando a David Otero,
nomeado "Chairego de Honra" neste ano 2015. Un
emotivo acto organizado pola Irmandade Manuel María e a
Asociación Xermolos.
O 28 de novembro compañamos a Antía Cal, socia
de honra de Nova Escola Galega, na homenaxe que lle tributou
o Concello de Muras en colaboración co Observatorio da Mariña
pola Igualdade. Agarimosas intervencións do noso compañeiro
Antón Costa e de Aurora Marco, presentación dunha unidade
didáctica a cargo de Alba García Pico, e moita participación
da veciñanza, fachendosa da súa ilustre e comprometida
veciña, Tita do Mesón, agora filla adoptiva. O colexio de
Muras levará o seu nome.
Adeus
a Xosé
Neira Vilas e Xosé Chao Rego,
para sempre nos nosos corazóns.
